Rôl Allgymorth / Ymestyn Allan
Mae’r gwasanaeth Allgymorth / Ymestyn Allan yn cefnogi disgyblion mewn ysgolion cynradd ac uwchradd prif ffrwd ar draws y sir ac yn gweithio ar bedair haen o wasanaeth.
- Ymyrraeth gynnar – Ymgynghori, cynllunio a chymorth.
- Rheoli achosion.
- Mewnbwn mwy arbenigol/ penodol.
- Trosglwyddo i Lwybr B/C neu ail integreiddio i ysgolion prif ffrwd.
Mae’r tîm yn gweithio’n gydweithredol gydag ysgolion, teuluoedd, asiantaethau allanol, a gwasanaethau o fewn yr Awdurdod er mwyn adnabod a lleihau rhwystrau i addysg a llesiant dysgwyr.
Prif nod y gwasanaeth allgymorth yw cyfarch anghenion ymddygiadol, emosiynol, a chymdeithasol yr unigolion, gan sicrhau bod pob plentyn a pherson ifanc yn cael mynediad teg a chynhwysol at gyfleoedd dysgu.
Beth mae’r gwasanaeth yn ei gynnig?
- Darparu cyngor, arweiniad, a chymorth allgymorth i staff ysgolion er mwyn cefnogi gwell ymgysylltiad ac ymddygiad disgyblion.
- Gweithio mewn partneriaeth â thimau amlasiantaethol, gan gynnwys addysg, iechyd, gofal cymdeithasol, a sefydliadau cymunedol, er mwyn cydlynu cymorth effeithiol.
- Cyflwyno ymyriadau neu sesiynau wedi’u teilwra i anghenion unigolion, a chynnig hyfforddiant a strategaethau priodol er mwyn hyrwyddo ymddygiadau cadarnhaol.
- Cynnig lleoliad mewn canolfan arbenigol os yw anghenion yr unigolyn yn cwrdd â’r meini prawf mynediad.
- Cefnogi pontio ac ailintegreiddio disgyblion yn ôl i ysgolion prif ffrwd.